بەڕێوەبەرایەتیی هاتوچۆی هەولێر شۆفێران ئاگاداردەکاتەوە، پاش رێکەوتی 2025/6/6، کامێراکان لەسەر دوو شەقامی سەرەکیی شارەکە، سەرپێچی تۆماردەکەن.
بەڕێوەبەرایەتییەکە لە راگەیەندراوێکدا شۆفێران ئاگاداردەکاتەوە، هەتاوەکو رێکەوتی 2025/6/6، دوای کاتژمێر 12ـی شەو، هەردوو کامێرای سووڕانەوەکانی (40 مەتریی عەشتار) و (100 مەتریی جەودەت ئەسعەدی) سەرپێچیی سووڕانەوەی پێچەوانە تۆماردەکەن بەشێوەی تاقیکردنەوە (تێست).
دەشڵێت، لەدوای ئەم رێکەوتەوە، ئەو کامێرایانە بەشێوەی هەمیشەیی سەرپێچییەکان تۆماردەکەن .
داواش لە شۆفێران دەکات، “بەهیچ جۆرێک سووڕانەوە بە ئاراستەی پێچەوانە ئەنجامنەدەن، بۆ ئەوەی ژیانی خۆیان و شۆفێرانی دیکە نەخەنە مەترسییەوە و دووربن لە سزای پێبژاردن”.
