ئەندامێکی لیژنەی دارایی لەبارەی مووچەی فەرمانبەرانەوە دڵنیایی دەدات و رایدەگەیەنێت، پچڕانی تێناکەوێت.
حسێن موئنیس ئەندامی لیژنەی دارایی لە ئەنجومەنی نوێنەرانی عێراق رایگەیاند، لەکاتی دروستبوونی هەر قەیرانێکدا حکومەت کۆمەڵێک بژاردەی لەبەردەستدایە و توانای تێپەڕاندنی هەر قەیرانێکی هەیە.
جەختیشیکردەوە، دۆخی دارایی ئێستا جێگای نیگەرانی نییە و هیچ مەترسییەک لەسەر مووچە نییە و پچڕانی تێناکەوێت.
ماوەی چەند مانگێکە نرخی نەوت بەشێوەیەکی بەرچاو رووی لە دابەزین کردووە بەمەش بەشێک لە مووچەخۆرانی لە دواکەوتنی مووچەکانیان کردووەتە دڵەڕاوکێوە.
