وەزارەتی كارەبا رایدەگەیەنێت، لە كۆبوونەوەیەكدا دوا قۆناغەكانی پڕۆژەی رووناكیی كارەبای 24 كاتژمێری كە ئێستا لە هەر سێ پارێزگای سلێمانی و هەولێر و دهۆك لە قۆناغی جێبەجێكردندایە تاوتوێكرا.
بەپێی راگەیەندراوێكی وەزارەتی كارەبای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، وەزیری كارەبا لەگەڵ بەڕێوەبەرەكانی سنووری بەڕێوەبەرایەتیی گشتیی كارەبای سلێمانی كۆبووەوە.
لە راگەیەندراوەكەدا هاتووە، لە كۆبوونەوەكەدا باس لە دۆخی كارەبای كوردستان و دوا قۆناغەكانی پرۆِژەی رووناكی كارەبای 24 كاتژمێری كرا كە لە ئێستادا لە هەر سێ پارێزگای سلێمانی و هەولێر و دهۆك لە قۆناغی جێبەجێكردندایە و وەزیری كارەبا بەوردیی گوێبیستی داواكار و پێشنیاز و سەرنجی بەڕێوەبەرەكان بوو بەڵێیدا بەپێی توانا و دەسەڵاتەكان خزمەتی هاوڵاتییان بكات.
