وتەبێژی دووەمین دیداری یەکێتی رایگەیاند، ” کاک بافڵ بەڵێنی ئەنجامدانی گۆڕانکاریی گرنگی داوە و سبەینێش دیدارەکە بەردەوام دەبێت”.
کاروان گەزنەیی، وتەبێژی دووەمین دیداری یەکێتیی نیشتمانیی کوردستان، لە کۆنگرەیەکی رۆژنامەوانیدا رایگەیاند، دووەمین دیداری یەکێتی، بەرئەنجامی نۆ کۆنفرانس و دوو هەزار پێشنیار و سەدان ئەندام و 12 هەزار کادرە، هەربۆیە پێویستە ئامادەکاریی بکەین تا بە دید و روانینێکی فراوان و نوێوە بە سوودوەرگرتن لە تێکهەڵکێشکردنی گەنجان ئامادەکاریی گرنگ ئەنجامبدەین.
وتیشی، ” کاک بافڵ جەلال تاڵەبانی، سەرۆکی یەکێتیی نیشتمانیی کوردستان، ئاماژەی بەوەدا یەکێتی کۆمەڵێک گۆڕانکاریی گرنگ و گەورە ئەنجامدەدات، هەربۆیە چاوەروانی سەرنج و پێشنیاری کادران و ئەندامانین”.
ئاماژەی بەوەشدا، دووەمین دیداری یەکێتە بەردەوامی دەبێت و لیژنە تایبەتمەندەکان لە گفتووگۆدان و دواتر، کۆی سەرنج و پێشنیارەکانیان ئاراستەی لایەنی پەیوەندیدار دەکرێت و کاری لەسەردەکرێت.
