وەزیرێکى کورد رایدەگەیەنێت، چى دیکە کێشە لەسەر مووچەى مووچەخۆرانى هەرێم دروستنابێت.
بەنگین رێکانی، وەزیری ئاوەدانکردنەوە و نیشتەجێکردنی عێراق لە لێدوانێکدا رایگەیاند، “چی دیکە هیچ کێشە لەسەر مووچە دروست نابێت، هەموو مانگێک لە کاتی خۆیدا دێت”.
رێکانى روونیشیکردەوە، “زۆر کێشە هەبوون و وردەکاریی بچووک هەبوون، ئەمە یەکەمجارە هەردوو حکومەت لەسەر یەک ئاست کاردەکەن بۆ چارەسەرکردنی کێشەکان؛ پەیوەندی هەردوو حکومەت باشە و پێموایە چیدیکە کێشە دروست نابێت”.
سێ مانگى رابردووى ئەمساڵ مووچەخۆرانى هەرێم تاڕادەیەک گرفتى مووچەیان چارەسەرکرا و لەئێستاشدا چاوەڕوان دەکرێت هەرێم لەم هەفتەیەدا لیستى مووچەى ئەم مانگە رەوانەى بەغداد بکات.
