پۆلیسی سلێمانی رایگەیاند، “بەتۆمەتی تەقەكردنی هەڕەمەكی و لە ژێرفشاری هێزەكانی پۆلیسدا تۆمەتبارێك خۆی رادەستی هێزەكانی پۆلیسی سلێمانی كرد و دەستگیركرا”.
بەڕێوەبەرایەتیی پۆلیسی پارێزگای سلێمانی، لە راگەیەندراوێکدا بڵاویکردەوە، “دوای ئەوەی لە سنووری بنكەی پۆلیسی سەیوان دەنگی تەقە بیسترا، هێزەكانی پۆلیس شوێن دەنگی تەقەكە كەوتن و دوای لێكۆڵینەوە و بەدواداچوونەكان، لە ژێر فشاری مەفرەزەكانی بەشی پۆلیسی فریاكەوتن و بنكەی پۆلیسی سەیوان، تۆمەتبار خۆی رادەستی هێزەكانی پۆلیسی سلێمانی كرد “.
پۆلیسی سلێمانی دەڵێت، “ئێستا تۆمەتبار لە دایكبووی 2001، بە بڕیاری دادوەر راگیراوە “.
