فەرمانبەرانی گرێبەستی فەرمانگەى دابەشکردنی کارەبای کەرکوك گردبوونەوە و داوای بە هەمیشەییکردنی گرێبەستەکانیان کرد.
ئەمڕۆ پێنجشەممە، فەرمانبەرانی گرێبەستی فەرمانگەى دابەشکردنی کارەبای کەرکوك گردبوونەوە و رایانگەیاند، ئەو بڕیارەی لەبارەی بە هەمیشەییکردنی گرێبەستەکانمانەوەیە جێبەجێبکرێت.
ئاماژەیان بەوەشدا، لە شاری کەرکوک ژمارەمان 353 کارمەند و لە عێراقیش زیاتر لە حەوت هەزار کارمەندیی سەر بە بەشی خوێندنەوەی پێوەرەکانی کارەباین.
ئەوەشیان خستەڕوو، گرفتەکەمان لەلایەن وەزارەتیی دارایی عێراقەوەیە و چاوەڕێی نووسراوی فەرمین لەلایەن تەیف سامی وەزیری دارایی عێراق، بۆ چارەسەرکردنی کێشەکەمان، ماوەی پێنج ساڵ زیاتریش دەبێت داواکاریمان ئاراستەی لایەنە پەیوەندیدارەکان کردووە.
