فەرماندەی پۆلیسی دارستان لە کرماشان ئاشکرایکردووە، لەسەر ڕووداوێکی کوشتن پۆلیسێکی دارستان لە کرماشان لەسێدارەدراوە.
جەمشید موحیبەت خانی، فەرماندەی پۆلیسی دارستان لە کرماشان ڕایگەیاند، “پۆلیسێکی دارستان کە لە بەرزاییەکانی بێستون کەسێکی کوشتبوو، لە سێداردراوە”.
ئەو کەسەی لەسێدارەدراوە ناوی بورمەند نەجەفی بووە و پێشتر بە چەکەکەی کە چەکی دەوامەکەی بووە، کەسێکی کوشتووە.
نەجەفی لە ساڵی ڕابردوودا لە بەرزاییەکانی بێستون تەقەی لە ئۆتۆمبێلێکی جۆری پراید کردبوو، لە ئەنجامدا کەسێک کوژرا و کەسێکی دیکەش بەسووکی برینداربوو.
