بەڕێوەبەرایەتیی بەرگریی شارستانیی سۆران چەند رێنمارییەك بە هاوڵاتییان دەدات و دەڵێت، ئەمشەو تەرزە و بارانبارین كۆتاییان نەهاتووە و ئۆتۆمبێلەكانتان داپۆشن”.
بەپێی راگەیەندراوێكی بەڕێوەبەرایەتیی بەرگریی شارستانیی سۆران كە وێنەیەكی دەست تۆڕی میدیایی ئێستا كەوتووە و تێیدا هاتووە، ئاگاداری هاوڵاتییانی سنووری ئیدارەی سەربەخۆی سۆران دەكەینەوە شەپۆلی بارانبارین و تەرزە كۆتایینەهاتووە و پێشبینیدەكرێت بەردەوامبێت بە تایبەتی لە سنووری ئیدارەی سەربەخۆی سۆران بۆیە تەواوی هێزەكانمان لە حاڵەتی ئامادەباشیدان بە مەبەستی بەهانەوە چوونی هاوڵاتییان.
هەر لە راگەیەندراوەكەدا هاتووە، بەپێویستی دەزانین هاوڵاتییان كەلوپەلەكانیان و ڕۆشنایی ماڵەكانیان داپۆشن و هەر خاوەن ئۆتۆمبێلێك ئۆتۆمبێلەكەی ببەرێتە گەراج ئەگەر هەیبێت یاخود داپۆشێت بە كەلوپەلی پێویست، تاوەكو دووچاری زیانی ماددیی نەبن.
