ئەمڕۆ پێنجشەممە، لە پێنج پارێزگای باکووری کوردستان، بەهۆی بارینی بەفر و نالەباریی کەشوهەوا، قوتابخانەکان بۆ ماوەی یەک رۆژ داخران.
جگە لە پێنج پارێزگاکەی باکووری کوردستان (جۆلەمێرگ، سێواز، خارپێت، ئەرزینگان و دێرسیم)، هاوکات لە 19 پارێزگای تورکیاش هەمان بڕیار درا، کە بریتین لە پارێزگاکانی (دوزجە، نیدە، ئۆردو، نەوشەهیر، ئادانا، قەیسەری، گوموشهانە، بۆڵو، زۆنگوڵداک، ساکاریا، یۆزگات، کۆجائەلی، ترابزۆن، کۆنیا، ئاکسارای، گیرەسوون، سامسوون، سینۆپ و یاڵۆڤا).
سەرجەم ئەو قوتابخانانە، بەهۆی زۆریی بەفربارین و مەترسیی سەهۆڵبەندان، داخران و مۆڵەتی کارگێڕیش بە فەرمانبەرانی کەرتی گشتی دراوە.
