بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازی لە هەڤاڵانی تێكۆشەر، فەرید ئەسەسەرد، ئارێز عەبدوڵا، رەهبەر سەید برایم، جوتیار نوری، ئاوات محەمەد و حەمە زیاد مەولود كرد .
لە دیدارێكی دۆستانەدا گفتوگۆی هەمەلایەنە لەبارەی پێشهات و گۆڕانكارییە سیاسییەكان و ئەركە حزبی و رێكخراوەییەكان كرا و تەئكید لە پابەندبوون بە سیاسەتی نیشتمانی و بەرپرسیارانەی یەكێتی بۆ كۆی هاوكێشەكان كرایەوە و بەشێوەیەك هەموو هەوڵەكان یەكبخرێن لەپێناو یەكڕیزیی كوردایەتی و زیاترخزمەتكردنی خەڵك و یەكێتی ناو یەكێتی.
سەرۆك بافڵ جەلال تاڵەبانی لە دیدارەكەدا ستایشی رۆڵی هەریەك لە هەڤاڵانی كرد كە بەشێكن لە مێژووی خەباتی بەردەوامی یەكێتی و دووپاتیكردەوە وەك هەمیشە تێكۆشەرەكانی یەكێتی رێنیشاندەری خەباتمان دەبن و وەك وتوومانە سەرمایەیەكی لەبن نەهاتوون و پێكەوە هەموومان لە سەر رێبازەكەی سەرۆك مام جەلال بەیەك رۆحیەتی یەكێتی بوونمانەوە ئەركە كوردستانی و ستراتیژییەكان رادەپەڕێنین لەپێناو سەرفرازیی گەلەكەمان.
