وەزارەتى دارایى هەرێم رایدەگەیەنێت، رێکارەکانى ناردنى پارەى مووچە تەواوکرا و بڕیارە سبەینێ بخرێتەسەر هەژمارى بانکییان.
وەزارەتى دارایى و ئابوریی هەرێم راگەیەندراوێکى بڵاوکردەوە و تیایدا هاتووە، رێکارەکانی پارەدارکردن (تەمویل)ی مووچەی مانگی ئازار تەواوکرا.
روونیشیکردەوە، کەمێک لەمەوبەر سەرجەم رێکارەکانی پارەدارکردن کە بڕەکەی 954 ملیار و 880 ملیۆن و 467 هەزار و 779 دینارە وەک مووچەی مانگی ئازاری مووچەخۆران و فەرمانبەران و خانەنشینانی هەرێمی کوردستان، لەلایەن وەزارەتی دارایی حکومەتی فیدراڵەوە تەواوکرا.
دارایى هەرێم ئاماژەشدەدات، بڕیارە سبەی پارەکە بخرێتەسەر هەژماری بانکی وەزارەتی دارایی و ئابوریی هەرێمی کوردستان لە لقی هەولێری بانکی ناوەندیی عێراق.
