سەرۆكی فەرمانگەی هەماهەنگی و بەدواداچوون ڕایدەگەیەنێت، بۆ یەكەمجار لەم كابینەیەدا ژمێرەی كۆتایی حكومەت ئامادەكراوە و تاوەكو دەشڵێت، “تا ئێستا 156 بڕیاری ئەنجومەنی وەزیران دەركراون كە ئەرك و ڕۆڵی فەرمانگەكەمان بەدواداچوون بووە بۆ جێبەجێكردنیان و كارنامەی حكومەت.
عەبدولحەكیم خەسرۆ، سەرۆكی فەرمانگەی هەماهەنگی و بەدواداچوون لە ئەنجومەنی وەزیران بەبۆنەی تێپەڕبوونی سێ ساڵ بەسەر تەمەنی كابینەی نۆیەمی حكومەتی هەرێمی كوردستاندا، ڕایگەیاند، تاوەكو ئێستاش 156 بڕیاری ئەنجومەنی وەزیران دەركراوە و بەدواداچوونمان بۆ چۆنییەتی جێبەجێكردنیان كردووە.
ڕاشیگەیاند، بەدواداچوونی نوێكردنەوەی پۆرتاڵی خزمەت و ڕێكخستنەوەی خزمەتگوزارییەكان و ڕاهێنان بە 127 فەرمانبەر بۆ كاركردن لەسەر ئەم پۆرتاڵە و دامەزراندنی سیستمی ئەلیكترۆنیی سكاڵای هاوڵاتییان، لەسەرجەم دامەزراوەكانی هەرێمی كوردستان بەدواداچوونیان بۆ كراوە، هەروەها بەدواداچوون بۆ پرسی لامەركەزیی ئیداری و شۆڕكردنەوەی دەسەڵات لەلایەن فەرمانگەوە كراون.
ئاماژەی بەوەشكرد، بەشداربووین لە بەدواداچوونی دەركردنی پەیڕەوی جێبەجێكردنی سندوقی خانەنشینیی فەرمانبەرانی هەرێمی كوردستان.
