هێزەكانی سوپای توركیا و گروپە چەكدارەكانی پشتیوانی، دەوروبەری شارۆچكەیەكی سەر بە حەسەكەیان بۆردومانكرد، وەك ئەوەی ئاژانسی سانا بڵاویكردووەتەوە.
بەپێی ئاژانسەكە بۆردومانەكە كە دەوروبەری شارۆچكەی ئەبو ڕاسین-ی لە ڕیفی باكووری حەسەكە گرتووەتەوە زیانی ماددی هەبووە، هەروەك بەهۆیەوە دەیان خێزان ناوچەكەیان جێهێشتووە.
بۆردومانەكە لەڕێی موشەكهاوێژ و هاوەنەوە ئەنجامدراوە و شوێنەكانی نیشتەجێبوون و كێڵگە كشتوكاڵییەكانی گرتووەتەوە.
سانا لەزاری سەرچاوە ناوخۆییەكانیشەوە دەڵێت، دوای بڵاوبوونەوەی دەنگۆی نیازی سوپای توركیا و گروپە چەكدارەكان بە ئەنجامدانی هێرشی بەرفراوان بۆسەر شارۆچكەكە بەمەبەستی داگیركردنی، ژمارەیەك خێزان ئاوارەبوون.
