لەبارەی مووچەی مانگی دووی فەرمانبەران و مامۆستایانی گرێبەستی وەزارەتی خوێندنی باڵا زانیاریی نوێ ئاشکرادەکرێت.
كامۆ خدر، شارەزاى بوارى یاسا لە راگەیەندراوێکدا بڵاویکردەوە، لەسەر راسپاردەی د. ئارام محەمەد، وەزیری خوێندنی باڵا و توێژینەوەی زانستی، وێڕای پشوو بەدواداچوون بۆ ئیش و كارەكانی مووچەی فەرمانبەران و مامۆستایانی گرێبەستی وەزارەتی خوێندنی باڵا بۆ مانگی شوبات دەستپێكرد.
ئاماژەی بەوەشكرد، وەزارەتەکە لەهەوڵدایە بە هەماهەنگی لەگەڵ وەزارەتی دارایی و ئابوریی هەرێم پێش جەژن مووچەی مانگی شوبات (2)ی ساڵی (2025) دابەشبكەن.
ئەوەشیخستەڕوو، وابڕیارە سبەینێ بەرپرسانى بەڕێوەبەرایەتیی سەرچاوە مرۆییەكانی وەزارەتی خوێندنی باڵا سەردانی وەزارەتی دارایی و ئابوریی هەرێم بكەن لەپێناو چارەسەركردنی ئەم كێشەیە.
