بەپێی ئەو زانیارییانەی بە تۆڕی میدیایی ئێستا دراون، بە بڕیاری محەمەد شیاع سودانی سەرۆك وەزیرانی عێراق دەبێت سەرجەم مووچەخۆرانی عێراق بە هەرێمی كوردستانیشەوە بەر لە جەژنی رەمەزان مووچەی مانگی سێ وەربگرن.
پێشتر سەباح حەبیب ئەندامی ئەنجومەنی نوێنەرانی عێراق بە تۆڕی میدیایی ئێستای راگەیاند، بەر لە جەژنی رەمەزان مووچەی مووچەخۆرانی هەرێم دەنێردرێت و دابەشدەكرێت.
لە هەفتەی رابردوودا وەزارەتی دارایی هەرێمی كوردستان لیستی مووچەی مانگی سێی بۆ بەغدا نارد تاوەكو وردبینی تێدا بكرێت و بەر لە جەژن مووچە بنێردرێت و دابەشبكرێت.
