لە کۆبوونەوەی دەستەی گشتیی سەندیکای پارێزەرانی عێراق گرژی و ئاڵۆزی لەنێوان ئەندامانی دەستەکە روویدا.
ئەمڕۆ پێنجشەممە دەستەی گشتیی سەندیکای پارێزەرانی عێراق بۆ دەنگدان لەسەر بودجەی سەندیکاکە کۆبووەوە.
لە کۆبوونەوەکەدا دەنگ بە بودجەی سەندیکای پارێزەران نەدرا و بڕیاردرا خودی بودجەکە و هەژماری کۆتایی بۆ دادگای لێکۆڵینەوەی دەستپاکی رەوانەبکرێت و لێکۆڵینەوە لەبارەیەوە بکرێت.
لە کۆبوونەوەکەدا گرژی و ئاڵۆزی لەنێوان ژمارەیەک لە پارێزەرانی ئەندام لە سەندیکاکە روویدا و بەهۆیەوە کۆبوونەوەکە هەڵگیرا.
ئەمە یەکەمینجارە لە مێژووی عێراقدا سەندیکایەک وردەکاریی بودجەکەی رەوانەی دادگا بکات.
