سیروان ساڵح شارەزای كەشناسی رایگەیاند، وەك پێشتر باسمان كرد پاش كەمێكی دیكە لە باشووری گەرمیانەوە قۆناغی یەكەمی كاریگەری شەپۆلی دەریای سوور دەستپێدەكات و ئەمشەو ناو بە ناو ئەگەری ( 2 تا 6 ) ملم باران هەیە.
دەشڵێت، “رۆژی پێنجشەممە و هەینی ئەگەری باران نییە و درەنگانێگی ئێوارەی هەینی قۆناغی دووەمی شەپۆلی دەریای سوور دەگات و شەوی هەینی لەسەر شەممە و رۆژی شەممە ئەگەری بارانی باش لە سەرجەم ناوچەكانی گەرمیان هەیە.
بەپێی پێشبینییەكانی كەشناسیی هەرێمیش لە ئەمشەوەوە شەپۆلێكی بارانبارین ناوچەكانی هەرێمی كوردستان دەگرێتەوە.
