وەزارەتى پێشمەرگە وادەى دابەشکردنى هاوکاریى مانگى (2)ى هاوپەیمانان بۆ لیواکانى پێشمەرگە رادەگەیەنێت.
وەزارەتى پێشمەرگە لە راگەیەندراوێکدا بڵاویکردەوە، رۆژى پێنجشەممە 6ى ئازار هاوکاریی دارایی هاوپەیمانان بۆ مانگى شوبات (2) بەسەر ئەفسەر و پێشمەرگەکانی سەر بە دیوانی وەزارەت و یەکەكانى پیادەی وەزارەتی پێشمەرگە دابەشدەکرێت.
روونیشیکردەوە، ئەوەش دوای ئەوەی هاوکارییەکە خرایەسەر هەژماری وەزارەتی پێشمەرگە و، بەڕێوەبەرایەتیی گشتیی بودجە و بەرنامەکان (ژمێریاریی سەربازی)، ڕێکارە دارایی و ژمێریارییەکانی بەکۆتاهێناوە.
وەزارەتى پێشمەرگە ئاشکراشیکرد، لەلایەن هاوپەیمانانەوە دووپاتکرایەوە کە هاوکاریی دارایی بەردەوام دەبێت، لەم مانگەدا سەرووی 46 هەزار پێشمەرگە و ئەفسەری سەر بە وەزارەتی پێشمەرگە لە رێگەی پڕۆژەی هەژماری من هاوکاری هاوپەیمانان وەردەگرن، ئەوانی تریش لە رێگەی سیستەمی بانکیەوە هاوکارییەکان وەردەگرن.
