بەرەبەیانی ئەمڕۆ، لە ناو خانوویەک لە شاری سلێمانی تەقینەوە روویدا و بریندار هەیە.
پەیامنێری تۆڕی میدیایی ئێستا لە سلێمانی گواستییەوە، لە گەڕەکی ئاوبارە، کاتژمێر 07:30ـی بەیانی دەنگی تەقینەوەیەکی بەهێز بیستراوە.
ئاماژەی بەوەشکرد، دوو هاوسەر لە خانووەکەدا دەژین، لەوکاتەدا تەنیا پیاوەکە لە ماڵ بووە و بەهۆی تەقینەوەکەوە، پیاوەکە بریندارە و گواستراوەتەوە بۆ نەخۆشخانە.
بەپێی زانیارییەکان، تەقینەوەکە بەهۆی لێچوونی غازەوە روویداوە.
