لوتکەی عەرەبی لە قاهیرە بەڕێوەدەچێت و سێ تەوەری سەرەکی دەربارەی پرسی فەڵەستین و غەزە گفتووگۆی لەسەر دەکرێت.
ئەمڕۆ سێشەممە، میدیا عەرەبییەکان رایانگەیاندووە، بڕیارە لوتکەی عەرەبی لە شاری قاهیرەی پایتەختی میسر بەڕێوەبچێت، کە تیایدا بە ئامادەبوونی بەشێک لە سەرکردەی وڵاتانی عەرەبی و ئەوروپی گفتووگۆ لەسەر چەند تەوەرێک دەکرێت.
ئاماژەیان بەوەشداوە، ناوەڕۆکی لوتکەکە لەسەر سێ تەوەری سەرەکی دەبێت، یەکەم: بەردەوامبوونی ئاگربەستی نێوان ئیسرائیل و فەڵەستین و هەوڵەکان بۆ قۆناغێکی دیکەی ئاگربەست. دووەم: پلانەکانی میسر بۆ ئاوەدانکردنەوەی غەززە و پاڵپشتیکردنی لەلایەن وڵاتانی عەرەبییەوە. سێیەم: پرسی دامەزراندنی دەوڵەتێکی سەربەخۆی فەڵەستین و چارەسەرکردنی کێشەی نێوان وڵاتەکە و ئیسرائیل.
ئەوەشیان خستوەتەڕوو، بەڕێوەچوونی لوتکەکە لەسەر داواکاریی و پێشنیاریی میسر بووە، تایبەت بە پرسی چارەسەرکردنی کێشەی چەندین ساڵەی نێوان فەڵەستین و ئیسرائیل.
