لە شاری بانەی رۆژهەڵاتی کوردستان ژمارەیەک شاخەوان کەوتنە ژێرهەرەسی بەفرەوە و دووانیان گیانیان لەدەستدا
میدیاکانی ئێران بڵاویانکردەوە، دواینیوەڕۆی ئەمڕۆ ژمارەیەک شاخەوان لە شاری بانەوە چوونەتە گوندی حەفتاشی لە یەکێک لە شاخەکانی گوندەکە بەفر هەرەسی هێناوە و جگە لە گیانلەدەستدانی ژمارەیەکیان ژمارەیەکی دیکەشیان تا ئێستا بێسەروشوێنن.
ئاماژەیان بەوەشکرد، دوای گەیشتنی تیمی تایبەتمەند بە شوێنەکە توانرا چوار شاخەوانیان بە برینداری رزگاربکرێن و تەرمی دوو شاخەوانەکەی دیکەش بدۆزرێتەوە.
ئاشکراشیانکرد، تا ئێستا ژمارەی ئەو شاخەوانانە نازاندرێت کە لە ژێر بەفرەکەدا ماونەتەوە و تا ئێستا نەدۆزراونەتەوە.
