بەڕێوەبەرایەتیی گشتیی کارەبای سلێمانی رایدەگەیەنێت، گوندەکانی دەوروبەری ئەو پارێزگایە و چەند ناوچەیەکیتر، کاتی پێدانی کارەبای نیشتمانییان دەگۆڕدرێت.
بەپێی راگەیەندراوێکی بەڕێوەبەرایەتیی کارەبای سلێمانی کە وێنەیەکی دەست تۆڕی میدیایی ئێستا کەوتووە و تێیدا هاتووە، بەڕێوەبەرایەتیی کۆنترۆڵی کارەبای سلێمانی ئاگاداری دانیشتووانی گوندەکانی دەوروبەری پارێزگای سلێمانی و هەڵەبجە و ئیدارەی راپەڕین دەکاتەوە، کە بەرنامەی کارەبای نیشتیمانییان لە مانگی رەمەزاندا گۆڕانکاریی بەسەردادێت.
کارەبای سلێمانی دەشڵێت، ئەو گوندانە بۆ مانگی رەمەزان، شەوان کاتژمێر 03:30ـی بەرەبەیان تا 05:30ـی بەیانی، کارەبای نیشتمانییان دەبێت، جگە لە بەرنامەی رۆژانە کە هەیانە.
