دڵشاد شەهاب وتەبێژی سەرۆكایەتیی هەرێمی كوردستان رایدەگەیەنێت، ئەو رەفتارەی لەلایەن هەندێك لە ئەندامانی سوپای عێراقەوە دەرهەق بە جووتیارانی كورد لە سنووری كەركوك كراوە بە تەواوی رەتكراوەیە و مایەی قبووڵكردن نییە.
دەشڵێت، “سەرۆكایەتیی هەرێمی كوردستان لە نزیكەوە بەدوای بابەتەكەدا چووە و داوای لە لایەنە پەیوەندیدارەكان كردووە رێكاری پێویست بەرامبەر بە ئەنجامدەرانی ئەو كارە بگرنەبەر و رێگا لە دووبارەبوونەوەی بگرن”.
وتەبێژی سەرۆكایەتيی هەرێم وتیشی، “ئەم رەفتارانە زیان بە پێكەوەژیان و ئاشتیی كۆمەڵایەتی دەگەیەنن و دەبێت هەموو لایەك ئەو جۆرە مامەڵە و رەفتارانە رەتبكەنەوە و سەرزەنشتی ئەنجامدەرانی بكەن و رووبەڕووی سزای یاساییان بكەنەوە”.
