ئەمڕۆ شەممە، دانیشتووانی پرۆژەی زەیتونە لە هەولێر گردبوونەوە و گرفتی کەمیی خزمەتگوزارییان هەیە.
دیار حسێن، پەیامنێری تۆڕی میدیایی ئێستا گواستییەوە، دانیشتووانی ئەو پرۆژەیە چەندین ساڵە بەهۆی بوونی کێشە و گرفتەوە لە پرۆژەکەدا دەناڵێنن.
وەک دانیشتووانی ئەو پرۆژەیە باسی لێوەدەکەن، لە پرۆژەکەدا ئاوی گەرم، کارەبا و چەندین پێویستیی تریان نییە و مانگانەش پارەی خزمەتگوزارییان لێوەردەگیرێت؛ چەندجارێکیش لایەنی پەیوەندیداریان ئاگادارکردووەتەوە، بەڵام وەڵامی پێویستیان نەدراوەتەوە.
لەئێستادا، دانیشتووانی پرۆژەکە وەک ناڕەزایەتییەک، رێگەی چوونە ناو پرۆژەکەیان گرتووە و ناهێڵن هیچ ئۆتۆمبێلێک بچێتە ژوورەوە.
