سكرتێری ئەنجومەنی وەزیرانی هەرێم رایدەگەیەنێت، لەگەڵ عێراق لەبارەی مووچەی ساڵی 2025 رێككەوتووین و دەشڵێت، “مووچەی خانەنشینانی هەرێم هاوتای عێراق كراوە”.
ئامانج رەحیم، سكرتێری ئەنجومەنی وەزیرانی هەرێم رایگەیاند، بۆ ئەمساڵ خشتەی بودجە نەنێردراوە بۆ ئەنجومەنی وەزیرانی عێراق و پەرلەمان و ئامانجی ئێمە ئەوە بوو تەرخانكراوی دارایی بۆ ساڵی 2025 زامنبكەین و یەكەمجارە بەغداد 958 ملیار دینار بە یەك گوژمە بۆ مووچەی هەرێم بنێرێت ئەوەش دوای گەڕانەوەی وەفدی هەرێم وەك نیازپاكیی بەغداد بەرامبەر بە هەرێم.
سكرتێری ئەنجومەنی وەزیرانی هەرێم جەختیكردەوە و وتیشی،”لەگەڵ عێراق لەبارەی مووچەی ساڵی 2025 رێككەوتووین و مووچەی خانەنشینانی هەرێمی كوردستان هاوتای عێراق كراوە و بۆ مانگی دوو ئەنجامی دەبێت”.
