ڕووداوێکی هاتوچۆ لەسەر ڕێگای سلێمانی – دەربەندیخان ڕوویدا و بەهۆیەوە دوو کەس گیانیان لەدەستدا.
لە لێدوانێکدا بۆ تۆڕی میدیایی ئێستا، ڕێژەن بورهان بەڕێوەبەری هاتوچۆی دەربەندیخان ڕایگەیاند، ڕووداوەکە کاتژمێر 6:30 خولەکی بەیانیی ئەمڕۆ لەسەر ڕێگای سلێمانی – دەربەندیخان لە نزیک گوندی بیرکێ بووە.
ڕووداوەکە لەنێوان ئۆتۆمبێلێکی بارهەڵگری جۆری مارسیدس و ئۆتۆمبێلێکی تایبەتی جۆری تۆیۆتا کراوندا بووە و بەهۆی سەرپێچی و دەرچوونی هەڵەی ئۆتۆمبێلە تایبەتەکە بووە.
بەوهۆیەوە دوو کەس گیانیان لەدەستداوە و مێردمنداڵێکیش بەسەختی برینداربووە.
