لیژنەیەکى نوێ لە شارەوانى سلێمانى دەستبەکاربوو و فەرمانگەکە دەڵێت، کارى تاپۆکردنى خانووە زیادەڕەوەکان ئاسان دەکات.
سەرۆکایەتیی شارەوانیی سلێمانى رایگەیاند، بە فەرمانی پارێزگاری سلێمانی و لەسەر پێشنیاری لیژنەی ناوەندی، لیژنەیەک پێکهێنراوە بۆ لەناوبردنی ژمارەی هەوایی لە شاری سلێمانیدا و گۆڕینیان بۆ ژمارەی جیاکراوەی تاپۆ، کە لەسەر چەندەها ئاست سوودی گەورە بە شاری سلێمانی دەگەیەنێت.
ئەوەشى خستەڕوو، ئەو هەنگاوە پرۆسەی تاپۆکردنی خانووە زیادەڕەوەکان و پرۆسەی تاپۆکردنی حەرەمی گوندەکان و، پرۆسەی رێگەپێدانی ناو حەرەمی گوندەکان خێراتر دەکات.
بەپێى راگەیەندراوەکە ئەمڕۆ کۆبوونەوەیەک لەنێوان لەیلا عومەر عەلى، سەرۆکی شارەوانیی سلێمانی و سەرۆکی لیژنەی ناوەندی و لیژنەکە ئەنجامدرا بە بەمەبەستی دەستبەکاربوونی لیژنەى ناوبراو.
