کارەبای سلێمانی بە بڕی 249 ملیۆن دینار پرۆژەی رووناککردنەوەی شەقامی وڵووبە بۆ تانجەرۆ جێبەجێدەکات.
ئەمڕۆ یەکشەممە، بەڕێوەبەرایەتیی گشتیی کارەبای سلێمانی رایگەیاند، بە بڕی زیاتر لە 249 ملیۆن دینار پرۆژەی رووناککردنەوەی شەقامێکی شاری سلێمانی جێبەجێدەکرێت.
دەشڵێت، پڕۆژەکە بریتییە لە دانانی تۆڕێکی رووناككردنەوە بۆ شەقامی (وڵووبە بۆ تانجەرۆ) كە شەقامێكی سەرەكییە و هاتوچۆی زۆری لەسەرە، بۆ پاراستن و سەلامەتی شۆفێران و پیادەڕەوانیش گرنگە.
ئاماژە بەوەشدراوە، تێچووی پڕۆژەکە لەسەر داهاتی %8ـی بەڕیوەبەرایەتی گشتیی کارەبای سلێمانی جێبەجێدەکرێت و بڕیاریشە پڕۆژەکە لەماوەی 150 رۆژدا تەواوبکرێت.
