چۆن بەخێرایی خۆت لە ئازاری پشت رزگار دەكەیت؟

زۆرێك لە توێژینەوەكان ئاماژە بەوەدەكەن كە كەسێك لە كۆی پێنج كەسی دانیشتووی زەوی بەدەست ئازاری پشتەوە دەناڵێنێت.

بەپێی وتەی دكتۆر سێرگی ئاگابكین، پسپۆڕی بوارەكە ئازاری پشت بەشێوەیەكی لەناكاو سەرهەڵدەدات و هۆكارەكانیشی زۆر و جۆراوجۆرن، بۆیە بۆ هەر دۆخێك پێویستە شوێنی ئازارەكە و هۆكارەكەی دیاریبكرێت.

لەگەڵ ئەوەشدا ئەو پسپۆڕە سێ رێنوێنی بۆ كەمكردنەوەی ئازاری پشت دیاریدەكات:

1- پشوودان:
ئازار كاردانەوەیەكی خۆكردی جەستەیە، وەك ئەوەیە بە كەسەكە بڵێت “بوەستە”. باشترین بژاردەبۆ ئەم دۆخە راكشانە لەسەر روویەكی رێك و تەخت، تەنها راستەوخۆ راكشان لەسەر زەوی باشترین بێت. راكشان لەسەر پشت و دانانی پشتی یان هەر راگرێك لە ژێر قاچ، یاخود خستنەسەر قەنەفە، پشوو بە جەستە و پشتت دەدات.

2- دانانی سەهۆڵ لەسەر شوێنی ئازارەكە
زۆر كەس هەن كاتێك هەست بە ئازارێكی زۆر لە بەشێكی جەستەدا دەكەن، شتێكی گەرم لەسەر شوێنی ئازارەكە دادەنێن، بەڵام ئەمە هەڵەیە و زۆركات دەبێتەهۆی روودانی هەوكردن. واتە دۆخەكە دژوارتر دەبێت بەهۆی گەرمكردنەكەوە، لەبری ئەوە باشترە پشت بە ساردكردنی شوێنی ئازارەكە ببەسترێت، دانانی خاولییەكی تەڕ لەسەر شوێنی ئازار و دەشكرێت كیسەیەك سەهۆڵ بە خاولییەك بپێچرێت و بخرێتە سەر شوێنی ئازارەكە بۆ ماوەی 10-15 خولەك، چونكە ساردبوون ئازار كەمدەكاتەوە و دەبێتەهۆی خاوبوونەوەی گرژبوونی ماسولكەكان.

3- راوێژ بە پزیشك
لە دۆخی دژواردا دەكرێت پەنا پۆ پزیشك ببرێت بۆ بەكارهێنانی دەرمانی پێویستی دژ بە هەوكردن و لە هەندێك دۆخیشدا دەرمانی ئازارشكێن.