بە بڕیاری لیژنەی باڵای بەرەنگاربوونەوەی ڤایرۆسی كۆرۆنا لەكاتی گەشتكردن بۆ دەرەوەی هەرێم یان بە پێچەوانەوە تەنها بوونی بڕوانامەی وەرگرتنی ڤاكسین كاری پێدەكرێت و مەرجی بوونی پشكنینی (PCR) هەڵگیرا.
لیژنەی باڵای بەرەنگاربوونەوەی ڤایرۆسی كۆرۆنا لە هەرێم ئەمڕۆ لە ڕاگەیەندراوێكدا ڕێككاری نوێی تایبەت بە بەرەنگاربوونەوەی ڤایرۆسەكەی ئاشكراكرد و تیایدا بڕیاریدا بە پشتبەستن تەنها بە پیشاندانی بڕوانامەی وەرگرتنی ڤاكسینی دژە كۆرۆنا بۆ ئەوانەی تەمەنیان لە 12 ساڵ زیاترە، بەبێ داواكردنی پشكنینی (PCR).
سەبارەت بە وەرگرتنی ڤاكسین-یش ڕوونیكردووەتەوە پێویستە گەشتیار یەك ژەم لە ڤاكسینی جۆری (جۆنسون ئاند جۆنسون) یان دوو ژەمی ڤاكسینەكانی دیكەی وەرگرتبێت.
ڕێنماییە نوێیەكەی لیژنەی بەرەنگاربوونەوەی كۆرۆنا لە 1ی نیسانەوە جێبەجێدەكرێت.
داواش لە وەزارەت و فەرمانگەكان دەكات پێداچوونەوە بە ڕەوشی وەرگرتنی ڤاكسین بۆ فەرمانبەرەكانیان بكەن و پەیڕەوی ڕێكارەكانی خۆپارێزی بكەن.
دەقی نوسراوەكە:
