دەزگای خۆراک و دەرمانی ئەمریکی رایگەیاند، بۆ چارەسەری غەبغەبە، پێویستە 50 دەرزی بەکاربهێندرێت.
دەزگاکە دەڵێت، ئەو دەرزییەی بۆ لابردنی غەبغەبە بەکاردەهێندرێت پێیدەوترێت کیبێلا، کە ئەو چەورییە خانانەی هۆكاری دروستبوونی غەبغەبەکەن، لەناویاندەبات.
ئامۆژگاریی بەکارهێنەرانی دەرزییەکەش دەکات و دەڵێت، “ئەگەر بە شارەزایانە بەکارنەهێندرێت، دەبێتەهۆی تێكشكاندنی خانەكانی پێست، بەوەش جوانیی پێست دەشێوێنێت، جگە لەمەش، رەنگە زیان لە دەمارەكانی ژێر چەناگەش بدات، ئەوەش ماسولكەكانی رووخسار لاوازدەكات، بەمشێوەیە قوتدانی خۆراک سەختدەبێت”.
