قائیمقامیەتی قەزای پێنجوێن رایدەگەیەنێت، سبەی لە قەزای پێنجوێن و هەردوو ناحیەی گەرمك و ناڵپارێز یەكەم كاروانی نەوتی سپیی حكومەتی عێراق دابەشدەكرێت.
بەپێی راگەیەندراوێكی قائیمقامیەتی پێنجوێن كە وێنەیەكی دەست تۆڕی میدیایی ئێستا كەوتووە و تێیدا هاتووە، ئاگاداری هاوڵاتییانی قەزای پێنجوێن و هەردوو ناحیەی گەرمك و ناڵپارێز دەكەین سبەی پێنجشەممە یەكەم كاروانی نەوتی سپیی حكومەتی عێراق بەسەر هاوڵاتییاندا دابەشدەكرێت.
هەر لە راگەیەندراوەكەدا هاتووە، نرخی یەك بەرمیل نەوت بە 60 هەزار دینار بە هاوڵاتییان دەدرێت كە بڕەكەی 200 لیترە و بە چەند قۆناغێك دابەشدەكرێت.
