وەزارەتی دارایی عێراق رەتیکردەوە هیچ کێشەیەکی نەختینە لە وڵاتدا بوونی هەبێت و دەشڵێت، “پابەندین بە خەرجکردنی مووچە بەگوێرەی ئەو خشتانەی دیاریکراوە.”
وەزارەتی دارایی عێراق راگەیەندراوێکی بڵاوکردەوە و ئاماژەی بەوەکردووە، ئەو زانیارییانەی باس لەوە دەکەن کە بەهۆی نەبوونی نەختینەوە کێشە بۆ مووچە درووستبووە لە عێراق هیچ راستی و دروستییەک لە پشتیانەوە نییە.
وەزارەت جەخت لەوە دەکاتەوە کە بە تەواوی پابەندە بە پڕۆسەی پارەدارکردنی مووچەی فەرمانبەران و بەشی ژمێریاری پارەی مووچەی بۆ وەزارەت و قەوارە ناپەیوەندیدارەکان بۆ مانگی ئێستای مانگی کانوونی یەکەم بەپێی ئەو خشتانەی دیاری کراوە بۆ هەریەکەیان دابین کردووە.
