قائیمقامی سلێمانی رایدەگەیەنێت، لە هاویندا غازمان بۆ وەرزی زستان و سەرما و سۆڵە هەڵگرتووە و دەشڵێت،” گرفتی كەمیی غاز لە سلێمانی نییە و نرخەكەشی بەرزنەبووەتەوە”.
ئاوات محەمەد، قائیمقامی سلێمانی لە لێدوانێكیدا رایگەیاند، لە وەرزی هاویندا غازمان بۆ وەرزی زستان و سەرما و سۆڵە هەڵگرتووە و گرفتی كەمیی غاز دروستنەبووە لە رێگای لایەنە پەیوەندیدارەكانەوە چەند رێوشوێنێك گیراونەتەبەر و جێی خۆیەتی دەستخۆشیان لێبكرێت.
وتیشی، “بڕی غازی كۆگاكراو 2500 تۆن بووە و لەگەڵ ئەو بڕەی رۆژانە بۆمان دەنێردرێت دابەشی دەكەین كە ئەوەش وایكردووە گرفتی كەمیی غاز دروست نەبێت و نرخەكەی بەرزنەبێتەوە”.
