بافڵ تاڵەبانی: ئێستا تێگەیشتم بۆچی كاك قوباد دەڵێت دەچم لە ڤیم فاوندەیشن دەوامدەكەم

بافڵ تاڵەبانی هاوسەرۆكی یەكێتیی نیشتمانیی كوردستان، سەردانی  ڤیم فاوندەیشن-ی كرد و بەشەكانی  بەسەركردەوە، دەستخۆشیی لێكردن لە گرنگیدان بە پرسە كلتوری و ژینگەییەكان.

ئەمڕۆ چوارشەممە، بافڵ تاڵەبانی، لەگەڵ شاناز ئیبراهیم ئەحمەد كارگێڕی مەكتەبی سیاسیی یەكێتی، سەردانی “ڤیم فاوندەیشن”ی كرد و لەنزیكەوە سەرجەم بەشەكانی دامەزراوەكەیان بەسەركردەوە.

هاوسەرۆكی یەكێتی لە لێدوانێكدا بۆ ڕۆژنامەنووسان ڕایگەیاند، “ڤیم فاوندەیشن شوێنێكی گرنگە بۆ گەنجان و پاڵپشتیكردنی بیرۆكە نوێكانی گەنجان لەبوارە جیاوازەكاندا”.

وتیشی، “”ڤیم فاوندەیشن جیاواز لە كاری ڕێكخراوەیی و كۆمەڵگەی مەدەنی، بووەتە هێڵێكی نوێ بۆ پەرەپێدانی كاری هونەری، بەتایبەت پاڵپشتیی توانا و داهێنانەكانی گەنجان”.

بافڵ تاڵەبانی گەشبینیش بوو بەوەی ڤیم بتوانێت بگاتە ئەوەی “ژینگە و كلتوری كوردستان بپارێزێت، ڕۆحی كوردستان بپارێزێت”.

هاوسەرۆكی یەكێتی ڕاشیگەیاند، “ئێستا تێگەیشتم بۆچی كاك قوباد دەڵێت، كە من لە حكومەت تەواو بووم، دەچم لە ڤیم فاوندەیشن دەوامدەكەم”.

 

 

 

بابەتی پێشتر

ئاژانسی نێودەوڵەتیی وزەی ئەتۆم: ئێران ڕێژەی پیتاندنی یۆرانیۆمی گەیاندووەتە 60%

بابەتی دواتر

ئەو ئافرەتەی هێرشی كردەسەر پۆلیسەكەی هاتووچۆ لە هەولێر دەستگیركرا

بابەتی پەیوەندیدار
Total
1
Share