قوباد تاڵەبانی لێپرسراوی مەكتەبی سكرتارییەتی سەرۆك مام جەلال دەڵێت، لە كاتی بانگەشەی هەڵبژاردندا راوێژمان لەگەڵ زۆرێك لە چین و توێژەكانی دەڤەری راپەڕینی ئازیز كرد، هەندێك لە بەڕێوەبەر و بەرپرسانی حكومی جێی رەزامەندیی هاوڵاتییان بوون، بەڵام هەندێكیشیان كەمتەرخەم بوون لە راپەڕاندنی كارەكانیان”.
دەشڵێت، “لە كۆبوونەوەمدا لەگەڵ تیمی یەكێتی لە ئیدارەی راپەڕین جەختمكردەوە كە بنەمای سزا و پاداشت پەیڕەو دەكەین و رەزامەندیی هاوڵاتییانمان لەو دەڤەرە خۆشەویستە لە سەروو هەموو ئیعتیبارێكی حزبی و كەسییەوە دەبێت و تاكە هۆكارێك دەبێت بۆ مانەوە یاخود گۆڕینی هەر بەرپرسێكی حكومی دەڤەرەكە”.
وتیشی، “ئێوە بەوەفا و راستگۆ بوون لەگەڵمان، دڵنیابن ئێمەش بەوەفا و راستگۆ دەبین لەگەڵتان و ئێوە لەگەڵمان بوون و ئێمەش لەگەڵتان دەبین”.
