دوای زیاتر لە 12 ساڵ، جارێکی تر تورکیا باڵیۆزخانەی وڵاتەکەی لە سوریادا کردەوە.
ئەمرۆ شەممە، بەفەرمی تورکیا وەک یەکەم وڵات، باڵیۆزخانەی وڵاتەکەی لە دیمەشقی پایتەختی سوریا کردەوە و ئاڵای وڵاتەکەی دوای زیاتر لە 12 ساڵ لە وڵاتەکەدا هەڵکرد.
هاوکات، بڕیارە لەچەند رۆژی دهاتوودا، سوریاش باڵیۆزخانەی وڵاتەکەی لە تورکیا بکاتەوە و پەیوەندییە دیپلۆماسییەکانی هەردوو وڵات دوبارە دەستپێبکەنەوە.
ئەمە لەکاتێکدایە، دوای روخانی دەسەڵاتی بەشار ئەسەدو کۆنترۆڵکردنی وڵاتەکە لەلایەن گروپە چەکدارەکانەوە، قۆناغێکی نوێ لە سوریادا سەریهەڵدا و دەست بە پێکهێنانی کابینەیەکی نوێی حکومەت کراو، بڕیاردرا بە ئەنجامدانی کۆمەلێک رێکار و هەنگاوی نوێ، وەک ئاساییکردنەوەی پەیوەندییە دیپلۆماسییەکانی سوریا لەگەڵ وڵاتانی دیکەدا.
