ڤایڤهاب سوریاڤانشی، ئەو وەرزشکارەیە کە بەهۆی لێهاتووییەکەیەوە سەرنجی جیهانی بەلای خۆیدا راکێشاوە، بەجۆرێک لەلایەن دەوڵەمەندترین یانەی هیندستانەوە گرێبەستێکی خەیاڵی لەگەڵدا ئەنجامدەدرێت.
بەپێی هەواڵی میدیا جیهانییەکان، بەهای گرێبەستەکە بۆ ڤایڤهاب، زیاتر لە 11 ملیۆن روپیەی هیندییە، کە دەکاتە نزیکەی 131 هەزار دۆلاری ئەمریکی، ئەوەش وایکردووە سەرنجی جیهان بەلای خۆیدا رابکێشێت.
ڤایڤهاب لەدایکبووی ساڵی 2011ە و یاریزانی وەرزشی کریکێتە، دوای ئەوەی ئاستێکی بەرز لە وەرزشەکەدا پێشکەشدەکات و تەنها لەیەک یاریدا 41 پۆینت تۆماردەکات، دەبێتە جێی سەرنجی میدیا ناوخۆیی و جیهانییەکان، هەربۆیە لە لایەن یانەی Rajastan Royal کە دەوڵەمەندترین یانەی وەرزشیی کریکێتە لە هیندستان، گرێبەستێکی خەیاڵی لەگەڵدا ئەنجامدەدرێت، کە هیچ کەسێکی بوارەکە لەو تەمەنەدا گرێبەستی هاوشێوەی لەگەڵدا نەکراوە.
