بڕیارە لە سبەینێوە کامێراکانی تۆمارکردنی سەرپێچی خێرایی ئۆتۆمبێل لەسەر رێگای سلێمانی – چەمچەماڵ بکەونەکار و بەڕێوەبەرایەتیی هاتوچۆی سلێمانیش خێرایی رێگەپێدراوی لەسەر رێگاکە بڵاوکردەوە.
بەپێی ئەو خێراییەی هاتوچۆی سلێمانی دیاریکردووە، شۆفێران دەتوانن لە پردی تاسڵوجە – بازگەی تاسڵوج بە خێرایی 80 کیلۆمەتر لەکاتژمێرێکدا ئۆتۆمبێلەکانیان لێبخوڕن، لە بازگەی تاسڵوجە – کانی شەیتان 100 کیلۆمەتر لەکاتژمێرێکدا و لە کانی شەیتان – تەکیە 80 کیلۆمەتر لەکاتژمێرێکدا بڕۆن.
هەر بەپێی ئەو خێراییەی دیاریکراوە، ئاستی تەکیە 60 کیلۆمەتر لەکاتژمێرێکدا، لە دوای تەکیە بۆ چەمچەماڵ 100 کیلۆمەتر لەکاتژمێرێکدا و چەمچەماڵ-بانی مەقان 80 کیلۆمەتر لەکاتژمێرێکدا رێگەپێدراوە.
