ئیلۆن مەسك، ملیاردێری ئەمریكی و سەرۆكی جێبەجێكاری كۆمپانیای تێسلا بووە دەوڵەمەندترین كەس لە جیهاندا بە درێژایی مێژوو پاش زیادبوونی سامانەكەی بۆ 348 ملیار دۆلار بەپێی پێنوێنییەكانی بلۆمبێرگ بۆ ملیاردێرەكان.
زیادبوونی بەهای سامانەكەی مەسك بەهۆی بەرزبوونەوەی بەردەوامی پشكەكانی كۆمپانیای تێسلاوەیە، هەروەك گەڕێكی پارەداركردنی نوێ لە خەمڵاندنی بەهای كۆمپانیا نوێیەكەی لە بواری زیرەكیی دەستكرد (xAI) بە 50 ملیار دۆلار، سامانەكەی مەسك.ی بە نزیكەی 70 ملیار دۆلار زیادكرد.
رۆژی هەینی پشكەكانی تێسلا بە رێژەی 3.8% زیادیكرد، ئەمەش رەنگدانەوەی گەشبینیی بەردەوامە بە پلانی تیمی دۆناڵد ترەمپی سەرۆكی هەڵبژێردراو دەربارەی ئۆتۆمبێلی خودڕەو و پاڵپشتیی ئۆتۆمبێلی كارەبایی، كە تایبەتمەندیی زیاتر دەداتە كۆمپانیاكەی مەسك بەراورد بە كۆمپانیا ركابەرەكان.
هەروەها لە 4ی تشرینی دووەمەوە پشكەكان بەڕێژەی 45% بەرزبوونەوە، كە رۆژێك پێش هەڵبژاردنەكانە، بەوەش 350 ملیار دۆلاری لە بەهای بازاڕدا چنییەوە.
پوختەی سامانەكەی ئێستای مەسك لە پێشەنگدایە بە نزیكەی 80 ملیار دۆلار پێش لاری ئیلیسۆن، سەرۆكی ئەنجومەنی كارگێڕیی ئۆراكل، كە خاوەن نازناوی دووەم دەوڵەمەندترین كەسە لە جیهاندا بە سامانی 235 ملیار دۆلار.
