ئەمڕۆ دووەم رۆژی قۆناغی پێش كۆتایی پرۆسەی سەرژمێریی گشتیی دانیشتووان لە عێراق و هەرێمی كوردستان بەڕێوەدەچێت.
كاتژمێر 07:00ی بەیانی دوێنێ یەكەم رۆژی قۆناغەكە دەستیپێكرد و، تیایدا تیمەکانی سەرژمێریی گشتیی دەستیان بە گەڕان کرد بە مەبەستی هەژمارکردنی هاوڵاتییانی عێراق و ئەمڕۆش تەواوكاری ئەو پرۆسەیە دەبێت و، تا کاتژمێر 12:00ی شەو دەخایەنێت و لەدوای ئەوکاتە دەرگای ژماردن دادەخرێت.
لەم دوو رۆژەدا تەنها پرسیارەكانی ژمارەی ئەندامانی خێزان و تەمەنیان دەكرێت.
بەپێی ئەو پلانەی دانراوە، لە رۆژانی ئایندەدا قۆناغی كۆتایی پرۆسەكە ئەنجامدەدرێت كە خۆی لە زیاتر لە 70 پرسیاردا دەبینێتەوە و ئەویان بۆ هەڵسەنگاندنی باری كۆمەڵایەتی و ئابوریی خێزانە عێراقییەكانە.
سەرژمێریی گشتیی ئەمساڵ لە عێراق بۆ یەكەمجارە لەدوای ساڵی 1997 بەڕێوەدەچێت كە ئەوكات هەرێمی كوردستانی نەگرتەوە.
