بانكی بازرگانیی عێراق رایدەگەیەنێت، ئەمشەو فرۆشتنی دۆلار بە نرخی فەرمی لە رێگای ئەلیكترۆنییەوە بۆ گەشتیاران كارادەكرێت و دەتوانن داواكاری پێشكەشبكەن تا وەكو دۆلاریان بە نرخی فەرمی پێبدرێت.
بەپێی راگەیەندراوێكی بانكی بازرگانیی عێراق تێیدا هاتووە، لە كاتژمێر 10ی ئەمشەوەوە داواكاریی پێشوەختە بۆ كڕینی دۆلار بە نرخی فەرمی كە 100 دۆلار بە 132 هەزار دینار و لە رێگای ماڵپەری بانكەوە بۆ گەشتیاران كارادەكرێت.
هەر لە راگەیەنراوەكەدا هاتووە، دوای تەواوكردنی رێكارە بانكییەكان گەشتیاران دەتوانن لە وەرگرتنی ئەو بڕە دۆلارە سوودمەندبن كە پێویستیانە.
