پارێزگاری هەولێر رایگەیاند، ئەمڕۆ لە قۆناغێکی گرنگی جێبەجێکردنی سەرژمێریی گشتیداین و لە 16ی مانگەوە سەرژمێری لە هەولێر دەستیپێکردووە، وتیشی، “97%ی دانیشتووانی هەولێر لە سەرژمێری تۆمارکراون”.
ئومێد خۆشناو لە کۆنگرەیەکی رۆژنامەوانیدا رایگەیاند، هیچ گروفتێک لە پارێزگای هەولێر رووینەداوە و کارەکانی سەرژمێری بەشێوەیەکی باش بەڕێوەدەچن و بڕیاڕی قەدەغەی هاتوچۆ بەبێ هیچ رێکارێک دەڕوات بەڕێوە و هاوڵاتییان پەیڕەوی بڕیارەکە دەکەن.
ئاماژەی بەوەشکرد، تیمەکان و هاوڵاتییان هاوکاری یەکترن و ئەوەش بابەتێکی جێگەی دڵخۆشییە، هاوکات زۆرینەی ئەوانەی خەڵکی ناوچەکانی دیکەن و لە سنووری پارێزگاری هەولێر نیشتەجێبووبوون، بە لێشاو گەڕاونەتەوە ناوچەکانی خۆیان کە ئەوەش بابەتێکی گرنگە و جێگەی پێزانین و تەقدیرە.
