شازادەی جێنشینی سعودییە تووشی نەخۆشییەک بووە لە کەناڵی گوێیدا و بەهۆیەوە ناتوانێت بە فڕۆکە گەشت بکات.
ئاژانسی هەواڵی بلومبێرگ بڵاویکردەوە، محەمەد بن سەلمان گەشتەکەی بۆ بەرازیل بە مەبەستی بەشداریکردن لە لوتکەی جی 20 هەڵوەشاندووەتەوە، بەهۆی بوونی کێشەیەک لە گوێیدا.
گەشتکردن لە وڵاتی سعودییەوە بۆ ریۆ دی جانیرۆی بەرازیل بە فڕۆکە 14 کاتژمێری پێویستە کە شازادە بەهۆی ئەو کێشەیەی لە گوێیدایە ناتوانێت ئەو ماوە زۆرە لە فڕۆکەدا بمێنێتەوە.
پێشتر چەند جارێک ئەو شازادەیە لەدوای گەشتکردنی بە فڕۆکە تووشی ئازاری زۆر بووە لە گوێیدا.
جگە لە بن سەلمان، ڤلادیمێر پوتین سەرۆکی روسیا ئامادەی کۆبوونەوەکە نابێت کە بڕیارە رۆژی دووشەممە بەڕێوەبچێت.
پێشتر و لە ساڵی 2022 بە هەمان کێشە شازادە سعودییە نەیتوانی بەشداری لوتکەی وڵاتانی عەرەبی لە جەزائیر بکات.
