ناتۆ چالاکی و سەربازەکانی لە عێراق زیاد دەکات

سکرتێری پەیمانی ئەتڵەسی باکور، “ناتۆ” ئاشکرایکرد کە سەربازەکانیان لە 500 سەربازەوە بۆ 4 هەزار سەرباز لە عێراق زیاد دەکەن.

یانس ستۆڵنبێرگ، سکرتێری گشتی ناتۆ لە کۆنگرەیەکی ڕۆژنامەوانیدا ئێوارەی ئەمڕۆ ١٨ی شوبات ڕایگەیاند، “ئەندامانی ڕێکخراوی ناتۆ ڕێککەوتوون لەسەر ئەوەی چالاکییەکان لە عێراق زیادکرێت و بەو مەبەستە سەربازان و ڕاوێژکارانی سەربازیی زیاد دەکەن”.

ئەم بڕیارەی ناتۆ لە کاتێکدایە کە ئەمڕۆ وەزیرانی بەرگری ئەندام لە ڕێکخراوەکە کۆبوونەوە لەسەر چالاکییەکانیان لە ئەفغانستان و عێراق و گەیشتوونەتە ئەو بڕیارە کە پێویستە لەم قۆناغەدا چالاکی و سەرباز و ڕاوێژکاران زیادتربکەن بۆ هاوکاری سوپای عێراق لە بەرەنگاربوونەوەی مەترسییەکدا بەتایبەت داعش”.

یانس ستۆڵنبێرگ ئەوەشی ئاشکراکرد، مەشق و ڕاهێنانەکانی ناتۆ ئیتر تەنها لە سنوری بەغدادی پایتەخت نامێنێتەوە و لە چەند شوێنێکی دیکە مەشقەکانیان دەستپێدەکان.

سکرتێری گشتی ناتۆ دەڵێت، ” ئێمە مەشق و ڕاهێنانەکانەکانمان بە گرنگ دەبینین بۆ بەرزکردنەوەی توانای هێزە ئەمنیەکانی عێراق چونکە ئەوە باشترین ڕێگەیە کە بتوانین نەهێڵین جارێکی دیکە داعش بگەڕێتەوە”.

فراوانکردنی مەشق و ڕاهێنانەکانی ناتۆ لەکاتێکدایە کە هۆشداری دراوە لە دووبارە گەڕانەوەی تواناکانی داعش و هێرشی گروپە چەکدارەکانی نزیک لە حەشدی شەعبیش بۆسەر هەولێر پێشهاتێکی دیکەیە کەلە کۆبوونەوەی وەزیرانی بەرگری ئەندام لە ناتۆ سەبارەت بە عێراق باسیکراوە.

بابەتی پێشتر

چۆن کوشتنی دیلەکانی لای پەکەکە نێوان ئەمریکا و تورکیای تێکدا؟

بابەتی دواتر

نێچیرڤان بارزانی لەسەر سزای دەستگیرکراوەکانی بادینان ڕاگەیەندراوێکی بڵاوکردەوە

بابەتی پەیوەندیدار
Total
1
Share