ئەمڕۆ، یەکشەممە یانەی لیڤەرپوڵ لە یاریگای ئانفێڵد و لە چوارچێوەی یارییەکانی هەفتەی 19ی پریمەرلیگ میوانداری یانەی مانچستەر یونایتد دەکات.
یانەی مانچستەر یونایتد لەم وەرزەدا و تاوەکو ئێستا بە کۆکردنەوەی 36 خاڵ لوتکەی ڕیزبەندی یانەکانی ئینگلتەرای گرتووە، لە بەرانبەردا لیڤەرپوڵ کەوتووەتە پلەی سێیەمەوە و خاوەنی 33 خاڵە.
ئەمانەش حەوت خاڵی گرنگن لەبارەی یاری لوتکەوە:
- لە خولی نایابی ئینگلیزی، لیڤەرپوڵ لە کۆتا 46 ڕوبەڕوبوونەوە لە یاریگای خۆیدا هیچ دۆڕاندنێکی تۆمارنەکردووە.
- لە کۆی 12 کۆتا یاری لە یاریگای ئانفێڵد ڕۆدز بەرانبەر مانچستەر یونایتد، لیڤەرپوڵ 11 بردنەوەی تۆمارکردووە.
- لە کۆتا چوار ڕوبەڕوبوونەوە لە چوارچێوەی پریمەرلیگ، یانەی مانچستەر یونایتد بردنەوەی بەرانبەر لیڤەرپوڵ تۆمارنەکردووە (دوو دۆڕاندن و دوو یەکسانبوون).
- لە کۆتا سێ یاریی پریمەرلیگ، لیڤەرپوڵ بردنەوەی تۆمارنەکردووە (دوو یەکسانبوون و دۆڕاندنێک).
- لە کۆتا دوو ڕوبەڕوبوونەوەی نێوان لیڤەرپوڵ و مانچستەر یونایتد لە ئانفێڵد ڕۆدز، لیڤەرپوڵ لە هەردووکیاندا براوەبووە،
- لیڤەرپوڵ لەم وەرزەی پریمەرلیگ خاوەنی بەهێزترین هێڵی هێرشبەرییە بە تۆمارکردنی 37 گۆڵ.
- محەمەد سەڵاحی میسڕی هێرشبەری لیڤەرپوڵ گۆڵکاری پریمەرلیگە بە تۆمارکردنی 13 گۆڵ.
