پزیشکێک چارەسەرێک بۆ هەوکردنی جیوبەکان بەبێ نەشتەرگەری دەدۆزێتەوە.
د. ئەلێکساندەر میاسنیکۆڤ، ئەوە رووندەکاتەوە، دەتوانرێت جگە لە ئەنجامدانی نەشتەرگەری و کونکردنی جیوبەکان، رێگایەکی دیکە بۆ چارەسەرکردنی هەوکردنیان بەکاربهێندرێت.
بە وتەی ئەو پزیشکە، هەوکردنی جیوب دەتوانێت ببێتەهۆی (گیرانی لوت، دەردانی ئاو، سەرئێشە و ئازاری چاو) و درێژخایەن بێت.
ئەو پزیشکە دەڵێت، ماوەی نەخۆشییەکە لە حاڵەتی یەکەمدا زیاترە لە 12 هەفتە، لە دووەمیشدا سێ مانگ یان زیاترە، بەڵام بۆچی لە هەردوو حاڵەتەکەدا کونکردن ئەنجام دەدرێت لەکاتێکدا 20 ساڵە لە پراکتیکی پزیشکیدا بەکارنەهێنراوە؟.
ئەوەش دەڵێت، کاتێک کەسەکە تایەکی زۆر و سەرئێشە و ئازاری پشت چاوی هەبوو، ئەوا دەتوانرێت نەشتەرگەریی کونکردن بکرێت و دەرمانی دژە هەوکردن بخورێت.
میاسنیکۆڤ ئامۆژگاری بەکارهێنانی قەترە هۆرمۆنییەکان دەکات لەبری ئەنجامدانی کونکردن بۆ چارەسەرکردنی هەوکردنی جیوبەکان، چونکە قەترەکە قەرەباڵغی و ئاوسان و هەوکردن کەمدەکاتەوە، ئەمەش رێگە دەدات رۆیشتنی بەڵغەم بگەڕێتەوە، بەڵام پێش بەکارهێنانیان دەبێت لووت بە ئاوێک کە خوێی دەریایی تێدا توابێتەوە بشۆردرێت.
دەشڵێت، هەروەها جگە لەوەش ئەم شێوازە یارمەتیدەرە بۆ چارەسەرکردنی لەسەدا 80ی حاڵەتەکانی ئاوی لوت، تەنانەت ئەوانەش کە بەهۆی بەکتریاوە دروستدەبن، بەبێ ئەوەی پێویست بکات دەرمانی دژەهەوکردن بەکاربهێنرێت.
