بەڕێوەبەری گشتیی کارەبای سلێمانی رایگەیاند، دوای بەستنی پێوەری زیرەکی کارەبا بۆ سەرجەم گەڕەکەکان کارەبا دەکرێتە بەردەوام و نرخی كارەباش رێخدەخرێتەوە.
ئەنوەر حەمەسەعید بەڕێوەبەریی گشتیی کارەبای سلێمانی رایگەیاند، دوای تەواوبوونی قۆناغی یەكەمی پرۆژەی پێوەری زیرەك ئێستا بۆ قۆناغی دووەمی پرۆژە لیژنەیەكی تایبەت دروستكراوە بەشێوەیەك كە گەڕەك بە گەڕەك بكرێت هەموو هاوبەشەكانی کارەبا پێوەری زیرەكیان بۆ ببەسرێت پاشان كارەباكەی بكرێت بە بەردەوام و نرخی كارەباش رێکدەخرێتەوە بەشێوەیەك كە بارگرانی دروستنەكات.
ئاماژەی بەوەشکرد، لەگەڵ لیژنەكەی ئەنجومەنی وەزیران چەند جارێك كۆبووینەتەوە، چەند پێشنیارێكمان پێشكەش كردوە بۆ ئەوەی پرۆژەكە لە سلێمانی سەركەوتوو بێت و سەرەتا نرخ دیاری بكرێت، دواتر میكانیزمی گونجاو بۆ جێبەجێ كردنی پرۆژەكە دابنرێت.
