پۆلیسی هەولێر دەستگیرکردنی چەند تۆمەتبارێکی راگەیاند کە لە کات و شوێنی جیاوازدا ماتۆڕیان دزیبوو.
بەڕێوەبەرایەتیی پۆلیسی هەولێر بڵاویکردەوە، چوار کەس بە تۆمەتی دزینی ماتۆڕسکیل لە کات و شوێنی جیاوازدا دەستگیرکراون و پەڕاوی لێکۆڵینەوەیان بۆ کراوەتەوە و دراونەتە دادگا.
پۆلیسی هەولێر هۆشداریشیدا، سەرجەم ئەو کەسانەی کە کڕین و فرۆشتن بە ماتۆڕسکیل و هەر کەلوپەلێکی دزراو دەکەن، رێکاری یاساییان بەرامبەر دەگرینە بەر و رادەستی دادگایان دەکەین.
